ՏԵՍԱՆՅՈՒԹ. Եթե ոմանք կարծում են, որ աղբահանության խնդիրը լուծված է, ապա դա այդպես չէ. Աղեկյան
«Այլընտրանքային քաղաքապետարան» նախաձեռնության անդամ Սոնա Աղեկյանը իր ֆեյսբուքյան էջի ուղիղ եթերում շրջում է Երևանի կենտրոն համայնքով, մասնավորապես Քաջազնունի փողոցով և ցուցադրում, որ Երևանն աղբից դեռ լիովին չի մաքրվել:
Աղեկյանը նշեց, որ աղբահանության խնդիրը լուծելու համար անհրաժեշտ է, որ քաղաքապետարանը, համապատասխան կառույցները բազում քայլեր իրականացնեն։ Նա ցուցադրեց եղած աղբը, մանկական խաղահրապարակում տիրող աղտոտվածությունը:
«Աղբամանից աղբը դատարկել՝ չի նշանակում, որ քաղաքը մաքրել են և աղբահանության խնդիրը լիովին լուծել են:
Սա, իհարկե, խայտառակություն է: Եթե ոմանք կարծում են, որ աղբահանության խնդիրը լուծված է, ամենայն պատասխանատվությամբ հայտարարում եմ՝ դա ամենևին էլ այդպես չէ և իրականությանը չի համապատախսանում»,-ասաց նա և նշեց, որ բոլոր վարչական շրջաններում էլ կան նմանատիպ իրավիճակներ:
Սոնա Աղեկյանը նշեց նաև, որ իրենք մաքրելու են քաղաքը քաղաքային աղբից: «Մաղթում եմ բոլորիս, որ մենք լինենք համարձակ և ոչ թե միայն խոսքերով սիրենք մեր քաղաքը, որ մեր երեխաները խաղան մաքուր խաղահրապարակում, մենք շրջենք մաքուր Երևանում»,-ասաց նա:
