Սանասարյանը չի հերքում, որ «վրաերթի» ենթարկած երեխային տարել են հիվանդանոց, իսկ ԲԿ-ից հերքում են

Սեպտեմբերի 12-ին «Արմենիա» բժշկական կենտրոնի ընդունարան վրաերթի ենթարկված 9-ամյա տղա չի ընդունվել, Aysor.am-ի թղթակցի հետ զրույցում ասել է նշված բուժհաստատության ընդունարանի վարիչ Կարինե Աբաջյանը։

«Ինձ մոտ գրանցված նման հիվանդ երեխա չկա։ Չի եղել նման դեպք։ Ես չգիտեմ՝ ով է գրել, ինչ են գրել։ Ես կուզեի այդ երեխայի մորը տեսնել, և ինքը գար ու ասեր, որ այստեղ նման բան է եղել։ Իմ ընդունարանում նման բան չի եղել։ Թե հետո իրենք ուրիշ բժշկի են դիմել, ինչ են արել, ես չեմ կարող ասել», - նշել է նա:

Հարցին՝ հնարավո՞ր է, որ երեխայի մայրը, առանց ընդունարան մուտք գործելու, միանգամից դիմած լինի նույն հիվանդանոցի որևէ բժշկի, Կարինե Աբաջյանը պատասխանեց, որ չի կարող ասել։

«Չգիտեմ, սա բժշկական փոքր քաղաք է, ծննդատուն էլ կա, հազար ձևի բժշկական հիմնարկներ կան։ Նշում է՝ «Արմենիա» բժշկական կենտրոն, բայց ծննդատանը դեպք է լինում, էլի գրում են «Արմենիա» բժշկական կենտրոն։ Ծննդատունը տարիներ շարունակ մեզ հետ բոլորովին կապ չունի», - ասել է նա՝ կրկին շեշտելով, որ ինքը պատասխանատու է միայն ընդունարանի աշխատանքների մասով։

Իր հերթին ՀՀ առողջապահության նախարարի մամուլի քարտուղար Ալինա Նիկողոսյանն նշել է, որ իրենց գերատեսչությունը դեպքի շրջանակներում որևէ անելիք չունի. բոլոր տեղեկությունները պետք է տրամադրի ոստիկանությունը։

«Նախարարությունն ի՞նչ իմանա՝ այդ վթարը եղե՞լ է, թե՞ չի եղել, երեխա եղե՞լ է, թե՞ չի եղել, հիվանդանոց տեղափոխվե՞լ է, թե՞ չի տեղափոխվել», - ասել է Նիկողոսյանը։

Մանրամասները` սկզբնաղբյուրում: