Հայ երիտասարդը փախցրել է «ԳԱԶ 3274» մեքենան ու վթարվել
Հոկտեմբերի 7-ի ցերեկը Չարենցավանի մի բնակիչ հաղորդում է տվել, որ առավոտյան Արզնի գյուղի տարածքում փախցրել են իր «ԳԱԶ 3274» մակնիշի մեքենան, որից հետո տեղեկացել է, որ այն վթարված վիճակում գտնվում է Աբովյան քաղաքի Գառնիի փողոցում:
Ոստիկանությունից NEWS.am-ին հայտնել են, որ ոստիկանության Կոտայքի բաժնի ծառայողների ձեռնարկած միջոցառումների շնորհիվ պարզվել է, որ մեքենան փախցրել է Երևանի բնակիչ 26-ամյա մի երիտասարդ, որը ժամեր անց բերման է ենթարկվել և տվել խոստովանական բացատրություն:
Հանգամանքները պարզվում են: Նախապատրաստվում են նյութեր:
