ՏԵՍԱՆՅՈՒԹ. Դոլմա, խաշլամա, աղանդեր. Քիմ Քարդաշյանը ճաշել է Երևանում
Քիմ Քարդաշյանը, որն այս օրերին Հայաստանում է, քիչ առաջ ճաշել է Երեւանի «Դոլմամա» ռեստորանում։ Նրան ուղեկցել են ավագ քույրը՝ Քորթնի Քարդաշյանի եւ որդին՝ Սեյնթը։ Նրանք ռեստորանում են գտնվել մոտ մեկ ժամ։
Ռեստորանի մենեջեր Ահարոն Ասատրյանը NEWS.am STYLE-ի հետ զրույցում հայտնել է, որ Քիմը դոլմա է կերել, գառի խաշլամա, քյուֆթա, իսկ երեխաները ֆրի են կերել։ «Ամեն ինչը հավանեց, ինչպես նաեւ աղանդերը»,- ասել է նա։
Ի դեպ, Քիմ Քարդաշյանը ռեստորանում էր արդեն երկրորդ անգամ։ Աստղն այստեղ ճաշել է նաև 2015թ.-ի այցի ընթացքում։ Հարցին ի պատասխան Ահարոն Ասատրյանն ասել է, որ Քիմը յուրաքանչյուր անգամ փորձում է նոր բան ուտել։
