Այսօր խոշոր ավտովթար է տեղի ունեցել Կոտայքի մարզում: Ժամը 08:20-ի սահմաններում Mitsubishi մակնիշի 35 VՍ 173 համարանիշի ավտոմեքենայի վարորդը Երևան-Սևան ավտոճանապարհի 43-րդ կմ հատվածում՝ դեպի Երևան ընթանալիս, դուրս է եկել ճանապարհի երթևեկելի գոտուց, բախվել երկաթե արգելապատնեշներին, այնուհետև բախվել մի քանի հաստաբուն ծառերի, արմատախիլ արել դրանք և կողաշրջված վիճակում հայտնվել ձորակում, տեղեկացնում է Shamshyan.com–ը:

Վթարի հետևանքով վարորդը մարմնական վնասվածքներով տեղափոխվել է «Հրազդան» բժշկական կենտրոն: Ոստիկանությունը պարզում է վարորդի ինքնությունը: