Նիկոլ Փաշինյանը՝ Էդուարդո Էռնեկյանին պատկանող տնտեսությունում

Վարչապետ Նիկոլ Փաշինյանն այցելել է Էդուարդո Էռնեկյանին պատկանող «Տիեռաս դե Արմենիա» տնտեսություն, որը գտնվում է Արմավիրի մարզի Բաղրամյան տարածաշրջանի Արեւադաշտ գյուղում։ 

Նիկոլ Փաշինյանը եւ Էդուարդո Էռնեկյանը շրջայց են կատարել տնտեսության տարածքում, եղել խաղողի այգիներում, գինեգործարանում։ 

Արգենտինահայ գործարարը նշել է, որ պատրաստ է շարունակել ներդրումային գործունեությունը եւ նոր ծրագրեր իրականացնել՝ ի նպաստ Հայաստանի զարգացման ու տնտեսական բարգավաճման։