Հոկտեմբերի 3-ին Պուտինն ու Ալիևը կհանդիպեն Սոչիում
Սոչիում հոկտեմբերի 3-ին կայանալիք միջազգային համաժողովի շրջանակում կհանդիպեն Ռուսաստանի ու Ադրբեջանի նախագահներ Վլադիմիր Պուտինն ու Իլհամ Ալիևը:
«Վալդայ» ակումբի շրջանակում անցկացվող հավաքը կկրի «Աշխարհակարգը. հայացք Արևելքից» խորագիրը:
Մինչև ընդհանուր հանդիպումը, որին մասնակցում են Ռուսաստանի, Ղազախստանի, Ֆիլիպինների և Հորդանանի ղեավարները, Ռուսաստանի ու Ադրբեջանի նախագահները առանձին հանդիպում կունենան:
Լրատվամիջոցները գրում են, որ այս հանդիպման մեջ ինտրիգայինն այն է, որ դրանից ընդամենը երկու օր առաջ Պուտինը եղել է Երևանում՝ մասնակցելով ԵԱՏՄ տնտեսական բարձրագույն խորհրդի նիստին, և երկկողմ հանդիպում է տեղի ունեցել Հայաստանի վարչապետ Նիկոլ Փաշինյանի և ՌԴ նախագահի միջև:
