Սկեսուրը վիճաբանության ժամանակ դանակահարել է հարսին (տեսանյութ)
Սեպտեմբերի 27-ին, ժամը 19.30-ին, ոստիկանության Շենգավիթի բաժնում օպերատիվ կառավարման կենտրոնից հաղորդում ստացվեց, որ Նոր Խարբերդի առանձնատներից մեկում 52-ամյա կինը դանակով հարվածել է 25-ամյա մի աղջկա:
Օպերատիվ խումբը մեկնեց դեպքի վայր: Քիչ անց ահազանգ ստացվեց նաև հիվանդանոցից: Նշված հասցեից շտապօգնության խումբը կրծքավանդակի աջ կեսի կտրած-ծակած վերքով 25-ամյա աղջկան տեղափոխել էր բժշկական կենտրոն:
Ձեռնարկված անհետաձգելի օպերատիվ-հետախուզական միջոցառումների շնորհիվ քրեական հետախույզները պարզեցին, որ տուժողին մարմնական վնասվածք պատճառած կինը նրա սկեսուրն է:
Կենցաղային հարցերի շուրջ ծագած վիճաբանության ժամանակ սկեսուրը դանակով հարվածել էր հարսին:
Սեպտեմբերի 28-ին, ժամը 01.30-ի սահմաններում, կասկածվողը բերման է ենթարկվեց ոստիկանություն և ձերբակալվեց:
Փաստի առթիվ հարուցվել է քրեական գործ: Դանակն առգրավվել է:
Հանգամանքները պարզվում են:
Կատարվում է նախաքննություն:
