Լիճք գյուղում վթար է տեղի ունեցել. կան վիրավորներ
Հայաստանի ԱԻՆ-ում, սեպտեմբերի 29-ին՝ ժամը 21:59-ին, «911» ծառայություն ահազանգ է ստացվել, որ Գեղարքունիքի մարզի Լիճք գյուղի մոտակայքում տեղի է ունեցել վթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-10 ավտոճանապարհի Սեւան-Մարտունի հատվածի 57-րդ կմ-ին բախվել են «UAZ Patriot» (վարորդ՝ Դավիթ Ս.) եւ «ՎԱԶ-2121» (վարորդ՝ Մաքսիմ Ղ., ծնված 2001 թ.) մակնիշների ավտոմեքենաները. «ՎԱԶ-2121» մակնիշի ավտոմեքենայի վարորդը, ուղեւորներ Սարգիս Ս.-ն (ծնված 2001 թ.) եւ Կարեն Ս.-ն (ծնված 2001 թ.) ստացել են տարբեր աստիճանի մարմնական վնասվածքներ:
Փրկարարները շտապօգնության ավտոմեքենային են մոտեցրել տուժածներին, ովքեր հոսպիտալացվել են Մարտունու ԲԿ: Բժիշկները տուժածների առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենաները եւ փակել գազի բալոնների փականները:
