Կարմիր Խաչի ներկայացուցիչները այցելել են Ադրբեջանում գտնվող Արայիկ Ղազարյանին

Սեպտեմբերին Կարմիր Խաչի միջազգային կոմիտեի ներկայացուցիչները այցելել են Ադրբեջանում գտնվող ՀՀ քաղաքացիներին, այդ թվում՝ 19-ամյա զինծառայող Արայիկ Ղազարյանին՝ որը 2019-ի օգոստոսի 12-ին հայտնվել էր Ադրբեջանում: 

Այս մասին «Հայկական ժամանակ»-ին ասել է  ԿԽՄԿ հայաստանյան գրասենյակի հաղորդակցման ծրագրերի ղեկավար Զառա Ամատունին:

Այլ մանրամասներ ԿԽՄԿ-ից չնշեցին: Սա արդեն երկրորդ այցելությունն է զինծառայող Արայիկ Ղազարյանին:  

Հիշեցնենք, որ 19-ամյա զինծառայող Արայիկ Ղազարյանը մարտական դիրքը լքել էր օգոստոսի 12-ին՝ հայտնվելով Ադրբեջանի տարածքում։

Ադրբեջանական լրատվամիջոցներն իրենց պաշտպանության նախարարությանը հղում անելով հայտնել էին, թե իբր զինծառայողին ձերբակալել են Ֆիզուլիի մարտական դիրքի մոտակայքում, եւ որ նրա «դասալքության պատճառը եղել է զորամասում անմարդկային վերաբերմունքը»:

Ավելի ուշ ՀՀ պաշտպանության նախարար Դավիթ Տոնոյանը ադրբեջանական մամուլում զինծառայողի վերաբերյալ տեղեկությունները քարոզչություն որակեց։ Նրա կարծիքով՝ զինծառայողը տեղանքում մոլորվել է։