Վաղը մեկնարկում է Ազգային ժողովի քառօրյան: Քառօրյայի օրակարգում ընդգրկված վերջին հարցը «ՍԴ անդամ Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին» որոշման նախագիծն է: 

Պետաիրավական հարցերի հանձնաժողովի փոխնախագահ Աննա Կարապետյանը հայտնել է, որ այդ հարցը հավանաբար կքննարկվի քառօրյա նիստերի վերջին օրը, եթե օրակարգում փոփոխություններ չլինեն:

Նշենք, որ մինչ քառօրյայի նիստերի օրակարգում ընդգրկվելն այսօր որոշման նախագիծը քննարկվել է Ազգային ժողովի խորհրդի նիստում: Ավելի վաղ Պետաիրավական հարցերի հանձնաժողովը «Իմ քայլը» խմբակցության ներկայացրած որոշման նախագծին դրական եզրակացություն էր տվել: