Արարատում մեքենան բախվել է պատնեշին և հայտնվել ձորում. վարորդի դին գտել են մեքենայից դուրս

Արարատի մարզում, այսօր՝ սեպտեմբերի 30-ին, խոշոր ու ողբերգական ավտովթար է տեղի ունեցել. ժամը 00:30-ի սահմաններում Նուբարաշեն վարչական շրջանի բնակիչ, 29-ամյա Սոս Տ.-ն Այնթապ-Նուբարաշեն ավտոճաապարհի 5-րդ կմ հատվածում իր վարած Opel Astra մակնիշի 36 GԼ 421 համարանիշի ավտոմեքենայով դուրս է եկել ճանապարհի երթեւեկելի գոտուց, բախվել բետոնե արգելապատնեշներին եւ մոտ 100 մետր մի քանի պտույտ շրջվելով՝ հայտնվել ձորակում:

Shamshyan.com-ի  հաղորդմամբ, վթարի հետեւանքով վարորդը, ում մարմինը ավտոմեքենայից դուրս հայտնաբերել են Այնթապում բնակվող 2 երիտասարդ տղաներ եւ ոստիկանության մեկ այլ աշխատակից, դեռ վիրավոր վիճակում տեղափոխվել է անվտանգ վայր, սակայն օպերատիվորեն դեպքի վայր ժամանած Մասիսի հիվանդանոցի բժիշկները արձանագրել են նրա մահը: