Վանաձորում դիմակավորված անձինք կողոպտել են տեղի հայտնի առևտրականներից մեկին՝ հափշտակելով 30 հազար դոլար.

SHAMSHYAN.com-ի տեղեկություններով՝ այսօր՝ սեպտեմբերի 27-ին, խոշոր չափի գումարի կողոպուտի դեպք է տեղի ունեցել Լոռու մարզում: Ժամը 06:50-ի սահմաններում 4 անհայտ անձինք, որոնցիցի մեկը՝ դիմակավորված, մոտեցել են Վանաձոր քաղաքի Զորավար Անդրանիկի 1–ին նրբանցքի 5-րդ տան բնակիչ Գագիկ Ս.-ին, ով այդ պահին փարձել է իրեն պատկանող Oepl մակնիշի ավտոմեքենայի շարժիչը միացնել և կյանքի համար ոչ բռնություն կիրառելու միջոցով նրանից հափշտակել են նրա մոտ եղած 30 հազար ԱՄՆ դոլարը: 

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ոստիկանության Լոռու մարզային վարչության օպերատիվ խումբը՝ վարչության պետ, ոստիկանության գնդապետ Գևորգ Հակոբյանի և Վանաձոր քաղաքի ոստիկանության Բազումի բաժնի պետ, ոստիկանության գնդապետ Արթուր Մկրտչյանի գլխավորությամբ:

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական գործողություններ՝ հանցագործությունը բացահայտելու, կատարողներին և գողոնը հայտնաբերելու ուղղությամբ: Գ. Շամշյանի տեղեկություններով՝ Գագիկ Ս.-ն Վանաձորում զբաղվում է առևտրով: 

Մանրամասները սկզբնաղբյուր կայքում