ՏԵՍԱՆՅՈՒԹ. Ինդոնեզիայում հրդեհներից երկինքը կարմիր գույն է ստացել
Ինդոնեզիայում չոր եղանակին անտառներն այրվում են ամեն տարի, սակայն առաջին անգամ է, որ երկինքը կարմիր գույն է ստացել:
Reuters լրատվական գործակալության փոխանցմամբ՝ օդի որակն այնքան է վատացել, որ վտանգավոր է մարդկանց համար:
Իշխանությունները հղիներին և երեխաներին հորդորել են տնից դուրս չգալ: Տասնյակ հազարավոր մարդիկ սկսել են տառապել խիստ շնչառական հիվանդություններից: Որոշ թռիչքներ չեղարկվել են, դպրոցները փակվել են:
Ինդոնեզիայի Ռիաու նահանգում օդի աղտոտման պատճառով արտակարգ դրություն է հայտարարվել:
Անտառային հրդեհների ծուխը հասել է հարևան Մալայզիա և Սինգապուր:
