Թրամփը սխալմամբ վիրավորել է իր երկրպագուին և հավաքից հեռացրել

ԱՄՆ նախագահ Դոնալդ Թրամփը սխալմամբ վիրավորել է իր երկրպագուին՝ ցուցարարի հետ շփոթելով։ Այս մասին տեղելացնում է Reuters-ը։

Ամերիկացի առաջնորդի՝ կողմնակիցների հետ հանդիպմանը մի խումբ ցուցարարներ են եկել։ Թրամփն իր երկրպագուին՝ Ֆրենկ Դոուսոնին, որի շապիկի վրա «Թրամփ 2020» է գրված եղել, շփոթել է ցուցարարների հետ։ Նա հրապարակայնորեն հայտարարել է, որ Դոուսոնը ավելորդ քաշի խնդիր ունի և խնդրել է նրան հավաքից հեռացնել։

Ավելի ուշ, Թրամփը, իմանալով իր սխալի մասին, փորձել է կապ հաստատել նրա հետ․ նա ձայնային հաղորդագրություն է ուղարկել՝ շնորհակալություն հայտնելով աջակցության համար։

Դոուսոնը, մեկնաբանելով միջադեպը, խոստովանել է, որ Թրամփից չի նեղանում։