Անգլիայի Կենտրոնական բանկի ղեկավարը հայտարարել է, որ ամերիկյան արժույթը հանդիսանում է ապակայունացնող գործոն համաշխարհային տնտեսության համար։ Այս մասին հայտնում է The Guardian պարբերականը։ Ըստ նրա, դոլարը կարող է փոխարինվել օրինակ գլոբալ թվային արժույթով, որը կարող է դառնալ այլընտրանք։ Որպես այդպիսին նա մատնանշել է «Ֆեյսբուք» ցանցի կողմից ստեղծվելիք «Լիբրա» կրիպտոարժույթը։ Իհարկե այն դեռ չի կարողանա վերցնել իր վրա դոլարի նշանակությունը, սակայն նոր տեխնոլոգիաները կարող են ամերիկյան արժույթին ռեալ մարտահրավեր նետել։