Ովքեր են խորհուրդ տալիս վարչապետին. բնապահպան Լևոն Գալստյանը՝ Փաշինյանին
Բնապահպան Լևոն Գալստանն իր ֆեյսբուքյան էջում գրում է.
«ՈՎՔԵ՞Ր ԵՆ ԽՈՐՀՈՒՐԴ ՏԱԼԻՍ ՎԱՐՉԱՊԵՏԻՆ
Nikol Pashinyan / Նիկոլ Փաշինյանին ինչ-որ մեկն այսօր խորհուրդ էր տվել Ամուլսարի հետ համեմատություն անելու համար իր լայվի ընթացքում մեջբերել ԱՄՆ-ի Սոլթ Լեյք Սիթի քաղաքի մոտ 1906թ-ից շահագործվող պղնձի հանքը։ Նա պնդում էր, թե տեսեք քաղաքի կողքը, որտեղ օլիմպիական խաղեր են անցկացվել՝ այսպիսի մեծ հանք կա, կողքն էլ պոչամբար ու ոչ մի խնդիր։
Հիմա գրեմ իրականությունը․
1980-ականների հետաքննությունները պարզեցին, որ հանքարդյունաբերական աշխատանքների արդյունքում ստորերկրյա ջրերում աղտոտումը տարածվել է վտանգավոր նյութերի տարածումով: Յուտայի նահանգը դատական գործողություններ կատարեց Քեննեկոտի դեմ և 1986 թվականի հոկտեմբերին հանքի դեմ վնասի հայց ներկայացրեց՝ բնական ռեսուրսների, մասնավորապես ստորերկրյա ջրերի կորստի և ոչնչացման համար:
Սպառնալիք կար նաև պոչամբարի պատնեշի պատճառով: Ինժեներական զեկույցը 1988-ին տեղեկատվություն էր տվել այն մասին, որ Մագնա քաղաքը շրջապատող պոչամբարի պատվարը երկրաշարժի հետևանքով փլուզման սպառնալիք է պարունակում, և որ միլիարդ տոննա պոչամբարը թաղելու է մոտակայքում գտնվող տները, եթե պոչամբարը ձախողվի: Այն ժամանակ ծախսվեց մոտ 500 միլիոն դոլար (այսօրվա գներով՝ 1․1 միլիարդ) խնդիրը լուծելու համար։
1990-ին հայտնաբերվեց, որ հարթավայում կառուցված տները աղտոտված են կապարի և մկնդեղի բարձր մակարդակներով: 100 տարվա կուտակված ազդեցությունների մաքրմանն ուղղված գործողությունները սկսվել են 1990-ական թվականներին՝ Յուտայի նահանգի շրջակա միջավայրի որակի և դաշնային վերահսկողության ներքո և շարունակվում են առ այսօր։
1995 թվականին, գիտական հետազոտությունների շնորհիվ, որոնք ցույց են տվել, որ հանքարդյունաբերությունը պատճառ է դարձել ստորերկրյա ջրերի աղտոտմանը։ Յուտա նահանգն օրենքներ ընդունեց, որպեսզի շահագործող ընկերությունը վճարեն 37 միլիոն դոլար (կամ այսօր գներով՝ 61 միլիոն դոլար) ջրի աղտոտումը վերահսկելու համար:
Հանքավայրերի արտանետման արդյունքում կոյուղաջրերը, որոնք պարունակում են մեծ քանակությամբ մկնդեղ և սելեն։ Սելենը հատկապես թունավոր է թռչունների, ձկների և երկկենցաղների համար, և ձկների թվաքանակի մոտ 30%-ը սպանվեց 1990-ականների սկզբին:
արունակեմ, թե՞ այսքանը բավական է։ Հարգելի վարչապետ, խնդրում եմ վերանայեք ձեզ խորհուրդներ տվողներին, քանի որ դուք պատասխանատու եք ժողովրդի և պետության առջև, իսկ այսպիսի խորհրդատուներով լավ տեղ չենք հասնի։ Եվ իրենք ձեզ խորհո՞ւրդ են տվել ու տալիս են Ամուլսարի և մյուս հանքերի վերաբերյալ ու ասում, որ հնարավոր է առանց ստորերկրյա և մակերևույթային ջրերն աղտոտելու մետաղական հանք շահագործել։
Սա էլ հղումը՝ գրածներս ստուգելու համար․https://en.m.wikipedia.org/wiki/Bingham_Canyon_Mine
Լրացում․ տեսնե՞ս այս հանքի մասին սխալ տեղեկություններ տրամադրած պաշտոնյան կպարզվի՞ ով է, և կհեռացվի՞ իր պաշտոնից, թե՞ միայն խեղճուկրակ պետական աշխատակիցներին է կարելի հեռացնել գործից՝ դրոշի պատճառով։
Լուսանկարներից մեկում հանքն է, իսկ մյուսում՝ 2000-2011թթ․ ընթացքում տեղի ունեցած վտանգավոր արտանետումների ցանկը
»:
