ՏԵՍԱՆՅՈՒԹ․ Ավստրալիայում քաղաքացիները վնասազերծել են մարդասպանին

Ավստրալիայի Սիդնեյ քաղաքում քաղաքացիները վնասազերծել են մարդասպանին ու ոստիկանություն կանչել։ Տղամարդը, իսլամական կարգախոսներ գոռալով, դանակը ձեռքին փողոցում հարձակվել է մարդկանց վրա, ինչի հետևանքով մի կին մահացել է: 

Հայտնի է, որ մահացած կինը վնասվածքների է ստացել վզի և կոկորդի շրջանում: Եվս մեկ կին վնասվածքներ է ստացել, բայց նրա կյանքին վտանգ չի սպառնում:

Դանակով հարձակված տղամարդուն ոստիկաններն արդեն բերման են ենթարկել: Հանցագործին վնասազերծել են քաղաքացիներն ու հանձնել դեպքի վայր եկած իրավապահներին: