Մոսկվայում բերման ենթարկվածների թիվը 435-ի է հասել, ոստիկանությունը ներխուժել է ցույցն ուղիղ եթերով լուսաբանող Дождь հեռուստաալիքի ստուդիա

Մոսկվայի քաղաքապետարանի շենքի մոտ նախատեսված բողոքի ցույցին ընդառաջ բերման ենթարկվածների թիվը հասել է 435-ի: Nշվում է, որ ձերբակալվածների զգալի մասը Մոսկվայի բնակիչ չէ։ 

Հաղորդվում է, որ ներկա պահի դրությամբ բողոքի ցույցի մասնակիցների թիվը 3500-ի է հասնում, որոնցից շուրջ 700-ը լրատվամիջոցների ներկայացուցիչներ են։ 

Համացանցում տեսանյութ է տարածվել, որում երևում է՝ ինչպես են ոստիկանության աշխատակիցները ներխուժում «Навальный Live» հեռուստաալիքի ստուդիա, որի լրագրողն ուղիղ եթերով Մոսկվայի կենտրոնից լուսաբանում էր ակցիան։ Հեռարձակումն ընդհատվել է, սակայն քիչ անց վերականգնվել է։ 

Ոստիկանները քիչ առաջ ներխուժել են նաեւ  ցույցն ուղիղ եթերով լուսաբանող Дождь հեռուստաալիքի ստուդիա: Նրանք հեռուստաալիքի ներկայացուցչին փաստաբանի հետ հրավիրել են բաժանմունք՝ վկայի կարգավիճակով: Նշվում է, որ մարդկանց հոսքը չի դադարում: