Ադրբեջանում սադրանք են որակում Կապանի և Հադրութի նոր ճանապարհի կառուցումը
Ադրբեջանի ԱԳՆ-ն հանդես է եկել Կապանի և Հադրութի նոր ճանապարհի կառուցման վերաբերյալ հայտարարությամբ, արտահայտելով իր վրդովմունքը:
Բաքվում ճանապարհի շինարարությունը համարում են Հայաստանի կողմից «սադրանք»` ստատուս քվոյի ամրապնդման համար:
«Չնայած հակամարտության կարգավորման համար բարենպաստ հիմքերի ստեղծմանը` Հայաստանը, թաքնվելով հրադադարի ռեժիմի ետևում, շարունակում է ապօրինի գործողությունները ապակառուցողական ձևով, և դա պարզապես հերթական սադրանքն է` խափանելու բանակցային գործընթացը»,- նշում է Ադրբեջանի ԱԳՆ-ն:
Հայտարարության մեջ նաև նշվում է, որ Ադրբեջանն իրեն վերապահում է «նման սադրիչ գործողություններին պատշաճ արձագանքելու» իրավունք:
Նշենք, որ Հայաստանն ու Արցախը մեկ այլ ճանապարհային հանգույցով կկապվեն:
