ՏԵՍԱՆՅՈՒԹ. Տաղանդավոր գեներալները հաղթում են առանց պատերազմի, մեզ այսպիսի խաղաղություն է պետք․ Փաշինյան
Հայաստանը խաղաղասիրական պետություն է, և խաղաղության հիմնական երաշխիքը զինված ուժերն են՝ բանակը։ Այս ուղերձն այսօր ՊՆ նորընծա սպաներին փոխանցեց վարչապետ Նիկոլ Փաշինյանը՝ ռազմաուսումնական հաստատություններն ավարտելու կապակցությամբ շնորհավորելով նրանց։
«Չինական զինվորական ռազմավարությունը արձանագրում է՝ տաղանդավոր գեներալները հաղթում են առանց պատերազմի։ Ես ուզում եմ ասել, որ մեզ ահա այսպիսի խաղաղություն է հարկավոր։ Մեզ հարկավոր են այնպիսի զինված ուժեր, այնպիսի պետություն, հասարակություն, որ բոլոր պոտենցիալ հակառակորդները հասկանան, որ մեզ հետ կռվի բռնվելն իմաստ չունի, որ մեզ հետ կռվի բռնվելու արդյունքը և հետևանքը մեկն է՝ մեր բոլոր թշնամիների և հակառակորդների պարտությունը, Հայաստանի Հանրապետության, նրա ժողովրդի և զինված ուժերի անվերապահ հաղթանակը», – ասաց Փաշինյանը։
Վարչապետը բացատրեց, որ անկախ նրանից, թե յուրաքանչյուրն ինչ համազգեստ է կրում, այս հաղթանակների նվիրված զինվորն է, ու յուրաքանչյուրը՝ առաջնագծից մինչև Ազգային ժողովի և կառավարության շենք, պետք է ծառայեն այդ առաքելությանը։
Տեսանյութը` Shantnews.am-ի:
