Դեպի Նուռնուս գյուղ գնացող ճանապարհին գետ է առաջացել․ պատկան մարմինները երկու ամսից ավելի է չեն կարողանում խնդիրը լուծել

Երեկ Ավրորա Մեդիայի լրատվականը հայտնել էր, որ Կոտայքի մարզում վնասված ջրատար կա եւ արդեն մեկ շաբաթից ավելի է ջուրը հոսում է: Այս մասին մեզ տեղեկացրել էին Կոտայքի մարզի բնակիչները: Այսօր եւս Ավրորա Մեդիայի լրատվականին են զանգահարել տեղի բնակչները, ասելով որ Կոտայքի մարզի Բյուրեղավան համայնքից դեպի Նուռնուս գյուղ գնացող ճանապարհին ջրատարի վթար է եղել և խմելու ջուրը հեղեղել է ճանապարհը: Ավելին՝ որևէ քայլ չի ձեռնարկվել խմելու ջրի արտահոսքը դադարեցնելու համար: Ավրորա Մեդիան կապ է հաստատել Կոտայքի մարզպետ Ռոմանոս Պետրոսյանի հետ, ով ասաց, որ տեղում աշխատում է Վեոլիա ջուրը: Նա նաեւ կոչ արեց գույները չխտացնել: Քանի որ ջրատարով մի շարք շրջանների ջուր է մատակարարվում, ջուրը իսպառ փակել չեն կարող: