Քաղաքական հետապնդման տարրեր չենք տեսնում․ ԼՀԿ պատգամավորները՝ Քոչարյանի դատի մասին
ՀՀ երկրորդ նախագահ Ռոբերտ Քոչարյանի վերաբերյալ դատավարությունը կենցաղային դատ չէ, բայց կապ չունի՝ դատվում է նախագա՞հ, թե՞ հասարակ քաղաքացի․ բոլորի համար պետք է ապահովվեն դատավարության հավասար հնարավորություններ և արդար դատաքննության իրավունքը։ Այս մասին այսօր լրագրողների հարցերին պատասխանելիս ասացին ԼՀԿ պատգամավորները։
«Մենք քաղաքական հետապնդման տարրեր չենք տեսնում, և այս գործը մեզ համար զուտ իրավական գործընթաց է», – ասաց պատգամավոր Անի Սամսոնյանը։
Անդրադառնալով ՍԴ շուրջ ստեղծված իրվիճակին՝ Սամոսնյանը նշեց․ Սահմանադրական դատարանի ներկա դատավոր Հրայր Թովմասյանը բոլոր չափանիշներով այսօր համարվում է դատավոր, ու սահմանադրական նորմերի ցանկացած անհատական մեկնաբանություն անընդունելի է։
«
ԼՀԿ մյուս պատգամավոր Կարեն Սիմոնյանն ասաց, որ Հրայր Թովմասյանը Սահմանադրական դատարանի նախագահ է ընտրվել ընդունված ընթացակարգով՝ Ազգային ժողովի որոշմամբ և այլ համապատասխան ակտերով, ու եթե Գրիգորյանը վիճարկելի է համարում այդ որոշումները, ապա դրանք կարող է վիճարկել վարչական դատարանում։
