Իմ հայրը Մարտի 1-ի գործով քաղբանտարկյալ է եղել․ «Իմ քայլի» պատգամավոր

«Իմ քայլը» խմբակցության այսօրվա ճեպազրույցի ժամանակ լրագրողները պատգամավոր Աննա Կարապետյանին հիշեցրին, որ նա նախորդ իշխանությունների ժամանակ աշխատել է ԱԺ-ում և որևէ հանրային հայտարարություն չի արել Մարտի 1-ի գործի առնչությամբ։ Պատգամավորը հաստատեց, որ ԱԺ-ում աշխատանքի ժամանակ չի զբաղվել քաղաքականությամբ, իրականացրել է մասնագիտական գործառույթներ։

«Մինչ այդ, բացահայտեմ ձեզ, ես շատ բուռն ներգրավված եմ եղել քաղաքական … Նախ` մեծացել եմ քաղաքական ընտանիքում և ներգրավված եմ եղել քաղաքական գործընթացներին։ Իմ հայրը Մարտի 1-ի գործով քաղբանտարկյալ է եղել»,- ասաց պատգամավորը ու հրաժարվեց այլ մեկնաբանություն տալ այդ թեմայով։