«Իմ քայլի» պատգամավորները չկարողացան ասել, թե ով է այժմ ՍԴ դատավորը

Ո՞վ է ձեզ համար Սահմանադրական դատարանի նախագահը։ Այս հարցը լրագրողները մի քանի անգամ տվեցին իշխանական խմբակցության պատգամավորներին, որոնք ճեպազրույցի էին եկել Ազգային ժողովի ընթացիկ աշխատանքներն ամփոփելու։

Պատգամավորներից Աննա Կարապետյանը նախ ասաց, որ արդեն պատասխանել է այդ հարցերին, այդ պատասխանները բավարար չե՞ն եղել։ Ապա ավելացրեց, որ Սահմանադրական դատարանի անդամ-դատավոր տարընկալումը դեռ պետք է բացահայտել, բայց ՍԴ նախագահը պետք է լինի դատավոր։ Լրագրողների կոնկրետ հարցերին՝ ի վերջո ում են համարում դատավոր, խմբակցության պատգամավորները այդպես էլ չպատասխանեցին։

Նրանցից Սուրեն Գրիգորյանը պարզաբանեց, որ և՛ Վահե Գրիգորյանը, որին իրենք ընտրել են ՍԴ դատավոր, և՛ Հրայր Թովմասյանը, որ մինչև հիմա իրականացրել է ՍԴ նախագահի պարտականությունները, չեն մեկնաբանել հարցը, հետևաբար ճիշտ չէ, ո իրենք մեկնաբանեն, քանի որ դրանով կարող են վնասել գործընթացը։