Վրաստանի նախկին նախագահը միացավ շարժմանը

Վրաստանի նախկին նախագահ Գիորգի Մարգվելաշվիլին այսօր միացել է խորհրդարանի դիմաց արդեն 6-րդ օրը շարունակ ցույց անող հանրությանը: 

«Հարգում եմ այս ամբիոնը, որտեղ նոր պատմություն է գրվում: Ցավալի է, որ պատմությունը գրվում է արյունով, (նկատի ունի հունիսի 21-ի լուսաբացին տեղի ունեցած դեպքերը): Հավատում եմ ապագային, որը լուսավոր է լինելու: Այստեղ ուժն է, ճշմարտությունը, նոր Վրաստանը: Միանում եմ շարժմանը»,- ասել է  նա:

Նախկին նախագահը ցուցարարներին դիմել է հումորով՝ ասելով․ Կոբախիձե էտա ռազ, Գախարիա էտա դվա: Մարգվելաշվիլին վերջում դիմել է միջազգային գործընկերներին, կոչ անելով, որ նրանք գան ու տեսնեն, թե ինչպես է նոր Վրաստանը պայքարում ռուսական փափուկ ուժի դեմ: