Ստամբուլի նոր քաղաքապետ հայերին հարգանքով վերաբերվելու կոչ է արել

Ինչպես արդեն հայտնել էինք, Ստամբուլի քաղաքապետ է ընտրվել Թուրքիայի ընդդիմադիր Ժողովրդահանրապետական կուսակցության ներկայացուցիչ Էքրեմ Իմամօղլուն:

Հաղթանակից հետո նա հայտարարել է. «Այս քաղաքում մենք պետք է ընդունենք և հարգանքով վերաբերվենք հայերին, հույներին, ասորիներին, հրեաներին և մյուս բոլոր ազգերի ներկայացուցիչներին: Մենք ժողովրդավարություն կկառուցենք, կհաստատենք արդարություն այս քաղաքում»:

Իր ելույթում նա նաև նշել է, որ Ստամբուլում չպետք է լինի «ազգային փոքրամասնություն» հասկացություն և քաղաքի բոլոր բնակիչները, անկախ իրենց էթնիկ պատկանելությունից, պետք է ունենան հավասար իրավունքներ: