Անձնագրային և վիզաների վարչությունում քաղաքացուց գումար պահանջե՞լ են, թե՞ ոչ. պարզաբանում

Անձնագրային և վիզաների վարչության պետ Մնացական Բիչախչյանն իր ֆեյսբուքյան էջում պարզաբանում  է ներկայացրել համացանցում տարածված լուրերի առնչությամբ, թե իբրև Անձնագրային և վիզաների վարչությունում քաղաքացուց գումար են պահանջել: 

Ստորև ներկայացնենք պարզաբանումն ամողջությամբ. 

«Համացանցում տարածված տեսանյութի կապակցությամբ անձամբ տեսակապով կապ եմ հաստատել քաղաքացու՝ Արմեն Էդուարդի Հովակիմյանի (ծնված 06.09.1981թ.) հետ: Վերջինս տեղեկացրեց, որ իր հարցազրույցը անձամբ դիտելուց հետո զգացել է, որ սխալ է շարադրել միտքը և այնպիսի տպավորություն է, որ իրենից գումար են պահանջել Անձնագրային և վիզաների վարչությունից: 
Արմեն Էդուրադի Հովակիմյանը դիմել է ԱՎՎ ՀՀ քաղաքացիություն ստանալու խնդրանքով: Ծննդյան վկայականում և անձնագրում առկա անհատական տվյալներում եղել են հակասություններ (հայրանվան մասով՝ Էդուրդ-Էդիկ): Առաջարկվել է փաստաթղթերը համապատասխանեցնել իրար, որից հետո կընդունվի դիմումը: Դրանից հետո իր ծանոթներից մեկը ասել է միգուցե հնարավոր է գումարով հարցը կարգավորել: Արմեն Հովակիմյանը հավաստիացրեց, որ իրենից ԱՎՎ-ի և ոչ մի պետական կառույցի աշխատակից գումար չի պահանջել:  

Հ.Գ. 

Քանի որ խնդրին արդեն լիարժեք տեղյակ եմ և ՔԿԱԳ մարմնի հետ ունենք համագործակցության գերազանց փորձ, քաղաքացուն հրավիրել եմ ինձ մոտ բոլոր փաստաթղթերով (ծննդյան վկայական, ատեոստատ, ՌԴ անձնագիր, դիպլոմ): ՔԿԱԳ մարմնի հետ կքննարկենք ծննդյան վկայակնում ուղղում կատարելու հարցը, որից հետո հնարավոր կլինի ընդունել ՀՀ քաղաքացիություն ստանալու դիմում»: