Ռուսաստանը կիրառեց իր ամենափորձված զենքերից մեկը. Վրաստանի նախագահի արձագանքը
Վրաստանի նախագահ Սալոմե Զուաբիշվիլին՝ արձագանքելով երկրում ընթացող իրադարձություններին, նշել է. «Տեղի ունեցածը մեծագույն հանցագործություն էր, սակայն դա որևէ կերպ չի արդարացնում արհեստական ալիքը, հակակառավարական գործողությունները, որոնք ուղղված էին Խորհրդարան ներխուժելուն և Կառավարությունը տապալելուն: Ռուսաստանը մեր թշնամին է: Նրա կողմից ղեկավարվող հինգերորդ շարասյունը կարող է ավելի վտանգավոր լինել, քան բացահայտ ագրեսիան»:
«Ես կցանկանայի մեկ անգամ ևս նշել, որ երկրի և հասարակության պառակտումը բացի Ռուսաստանից որևէ մեկին պետք չէ: Ռուսաստանն այսօր կիրառեց իր ամենափորձված զենքերից մեկը»,- հավելել է Զուրաբիշվիլին:
Ինչպես արդեն տեղեկացրել ենք, Վրաստանում այս պահին ընթանում են հակառուսական ցույցեր: Ցուցարարները պահանջում էին, որ մեկ ժամվա ընթացքում պաշտոնաթող լինեին Վրաստանի խորհրդարանի խոսնակ Իրակլի Կոբախիձեն, Ներքին գործերի նախարար Գիորգի Գախարիան և ՊԱԾ-ի ղեկավար Վախթանգ Գոմելաուրին: Ցուցարարները նաև պահանջում են արտահերթ խորհրդարանական ընտրություններ անցկացնել:
Պահանջներից ոչ մեկը չի կատարվել:
