Սուրիկ Խաչատրյանի՝ գազանանոցի ճանապարհին գտնվող տունը գրանցված չէ. Սարհատ Պետրոսյան

Շուկայական արժեքի համար անկախ գնահատողներ կան: Այս մասին այսօր՝ հունիսի 20-ին լրագրողների հետ զրույցում ասաց Անշարժ գույքի կադաստրի կոմիտեի ղեկավար Սարհատ Պետրոսյանը, ArmDaily.am-ը:

«Մենք ողջ հանրապետության տարածքում իրականցրել ենք մի շարք գնահատումներ, դրա հիման վրա վերլուծությունն ենք արել և  ստացել ենք գնահատման նոր տրամաբանություն: Գնահատումը սկսվել է հեղափոխությունից մի քիչ առաջ, ավարտվել է  հոկտեմբեր ամսին: Մեր գնահատման արդյունքում Երևանի կենտրոնում  շուկայական արժեքը ավելին է, քան այն արժեքը որ մենք ֆիքսել ենք հիմա»:

Անդրադառնալով այն հարցին, որ գներն այժմ արհեստականորեն բարձրացված են, Պետրոսյանը նշեց, որ գները դեռևս հաստատված չեն, սա ընդամենը նախագիծն էր,  բայց եթե գները շուկայում իջեցվեն, ապա իրենք էլ կիջեցնեն: 

«Մենք պիտի ունենանք ճշգրիտ տվյալ: Պիտի ֆիքսենք ընդհանրական գին, որ այս հատվածում այս պարամետրերով գույքն այսքան արժե: Մեր ամենօրյա աշխատանքն է հետևել, թե ինչ է տեղի ունենում շուկայում»-հավելեց Պետրոսյանը: 

Իմ աշխատանքի ընթացում հանդիպել է, որ գույքը գրանցված չլինի, հետևաբար հարկ էլ չեն վճարել: Դրանց մեջ եղել են նախկին պաշտոնյաներ: Համայնքը պիտի իր գործիքակազմի շրջանակներում ստիպի որ տվյալ մարդը իր գույքը գրանցի:

Հարցին, թե ինչպես կմեկնաբանի այն խոսակցությունները, որ գազանանոցի ճանապարհին շքեղ գույք  կա, որը պատկանում է Սյունիքի նախկին մարզպետ Սուրիկ Խաչատրյանին, Պետրոսյանը պատասխանեց.

«Այո, դա համապատասխանում է իրականությանը, և այդ գույքը դեռևս գրանցված չէ մեզ մոտ»: