Սեյրան Օհանյանի մասով քրեական հետապնդումը պետք է դադարեցվի. պաշտպան

«Մարտի մեկի» գործով սահմանադրական կարգը բռնությամբ տապալելու մեջ մեղադրվող պաշտպանության նախարար Սեյրան Օհանյանի մասով քրեական հետապնդումը պետք է դադարեցվի։ Այս մասին այսօր Վերանքնիչ քրեկան դատարանում հայտարեց Սեյրան Օհանյանի պաշտպան Կարեն Մեժլումյանը։

Նա ներկայացրեց դատախազության և տուժող կողմի բողոքների վերաբերյալ իր առարկությունները։

Մեժլումյանը Վերաքննիչ դատարանից պահանջեց մերժել Ռոբերտ Քոչարյանի և մյուսների գործով բողոքները։

«Բողոքները չմերժելու և նոր դատական ակտ կայացնելու դեպքում համարում եմ, որ Վերաքննիչ դատարանը պետք է որոշում կայացնի քրեական գործի վարույթը 300.1-րդ հոդվածի մասով կարճելու և իմ պաշտպանյալ Սեյրան Օհանյանի մասով քրեական հետապնդումը դարդարացնելու մասին»,–ասաց նա։

Փաստաբանը մանրամասնորեն անդրադարձավ իր պաշտպանյալին առաջադրված ՔՕ 300.1 հոդվածի սամանադրականության հարցին։

Հիշեցնենք, որ մայիսի 20-ին, առաջին ատյանի դատարանի դատվոր Դավիթ Գրիգորյանը որոշել էր կասեցնել Ռոբերտ Քոչարյանի, Յուրի Խաչատուրովի, Սեյրան Օհանյանի եւ Արմեն Գեւորգյանի գործի վարույթն ու այն ուղարկել Սահմանադրական դատարան` պարզելու համար այս գործով կիրառման ենթակա ՀՀ քրեական օրենսգրքի 300.1-րդ հոդվածի 1-ին մասի եւ դրա հետ փոխկապակցված ՀՀ քրեական օրենսգրքի 300-րդ հոդվածի 1-ին մասի (մինչեւ 2009 թվականի մարտի 20-ին ընդունված ՀՕ-53-Ն օրենքի ուժի մեջ գտնվելը գործող խմբագրությամբ) համապատասխանությունը ՀՀ Սահմանադրության պահանջներին: