Ադրբեջանում հայտարարել են, որ ԼՂ հակամարտությունն առաջիկայում կկարգավորվի
Ադրբեջանի խորհրդարանի նախագահ Օքթայ Ասադովը Սևծովյան տնտեսական համագործակցության կազմակերպության Խորհրդարանական վեհաժողովի 53-րդ լիագումար նիստի ժամանակ կարծիք է հայտնել Հարավային Կովկասում հակամարտությունների կարգավորման հեռանկարների մասին, այդ թվում և Լեռնային Ղարաբաղի հիմնախնդրի: Այս մասին գրում է Rusarminfo-ն:
«Վստահ եմ, որ տարածաշրջանում գոյություն ունեցող հակամարտություններն առաջիկայում լուծում կգտնեն միջազգային իրավունքի սկզբունքների և նորմերի հիման վրա՝ նախ և առաջ հավատարիմ մնալով պետությունների տարածքային ամբողջականության պահպանման սկզբունքին», – Ասադովի խոսքը մեջբերում է «Ինտերֆաքս Ադրբեջանը»:
