ՌԴ սահմանների մոտ ռուսական արտադրության Սու-27 կործանիչը «որսացել» է ԱՄՆ ռազմաօդային ուժերի Boeing B-52 Stratofortress ռմբակոծիչ ինքնաթիռը: Տեղի ունեցածի կադրերը հրապարակել է ՌԴ պաշտպանության նախարարությունը յութուբյան ալիքում:

Ինքնաթիռի խցիկից արված տեսանյութում երևում է, թե ինչպես է ռուսական կործանիչը մոտենում ամերիկյան ինքնաթիռին և ուղեկցում այն:

ՌԴ պաշտպանության նախարարությունից հայտնել են, որ պետական սահմանների խախտում չի գրանցվել: Ռուսական ինքնաթիռը գործել է օդային տարածության օգտագործման միջազգային պահանջներին համապատասխան: