ՏԵՍԱՆՅՈՒԹ. Բողոքի ակցիա. Ողջաբերդցիները պահանջում են լուծել սողանքների հարցը
Կոտայքի մարզի Ողջաբերդ համայնքի բնակիչներն այսօր հավաքվել են և սպասում են մարզպետ Ռոմանոս Պետրոսյանին: Վտանգավոր գոտում ապրող մարդիկ ամիսներ շարունակ պահանջել են լուծել սողանքների հարցը, նրանց փոխհատուցում տալ: Սողանքի հետևանքով նրանց տները ճաքել են:
Շաբաթներ առաջ ողջաբերդցիները դիմել էին մարզպետին ու հիմա սպասում են նրա պատասխանին:
Ավելի վաղ Ռոմանոս Պետրոսյանն ասել էր, թե բնակիչների ակցիան «սաբոտաժ» է, ինչին ի պատասխան բնակիչներն ասել էին, որ կառավարությունը չի օգնում իրենց, իսկ «մարզպետն ուզում է, հավանաբար, այդպիսով տակից դուրս գալ»:
Ավելի ուշ Պետրոսյանը մոտեցավ ցույցի դուրս եկած բնակիչներին: Իրենք գնացին խնդիրը քննարկելու:
Տեսանյութը` Tert.am-ի:
