Վրաստանի և Ռուսաստանի քաղաքացիների միջև բախում է եղել. կա մեկ զոհ
Ստամբուլում Վրաստանի և Ռուսաստանի քաղաքացիների միջև բախում է տեղի ունեցել, որի հետևանքով Վրաստանի քաղաքացիներից մեկը մահացել է, իսկ Ռուսաստանի քաղաքացին հրազենից ստացած վնասվածքով տեղափոխվել է հիվանդանոց, հայտնում է «Ալիք Մեդիան»:
Տեղի լրատվամիջոցների տեղեկատվությամբ, կողմերի միջև վիճաբանությունը տեղի է ունեցել տեղափոխող ընկերության գրասենյակում, նրանք իրար դեմ կիրառել են սառը զենք և հրազեն: Տեղեկատվության համաձայն` մահացածը 56-ամյա Թենգիզ Փխակաձեն է:
Թուրք իրավապաշտպանները փնտրում են Վրաստանի երկու քաղաքացու: Միջադեպին մասնակից այլ անձանց ոստիկանությունն արդեն ձերբակալել է:
