ՏԵՍԱՆՅՈՒԹ. Խոշոր վթար Սյունիքի մազրում. կան տուժածներ

Հունիսի 17-ին` ժամը 13:02-ին «911» ծառայությանն ահազանգ է ստացվել, որ Սյունիքի մարզի Նորավան գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:

Արտակարգ իրավիճակների նախարարությունից հայտնում են, որ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Երևան-Մեղրի Մ-2 ավտոճանապարհի Սիսիան-Գորիս հատվածի 12-րդ կմ-ին բախվել են «Lada Granta» (վարորդ` Ա.Ա., ծնված 1989 թ.) և «Օpel Astra» (վարորդ՝ Ա.Հ., ծնված 1997 թ.) մակնիշների ավտոմեքենաները:

Մինչ փրկարարների՝ կանչի վայր հասնելը «Օpel Astra» մակնիշի ավտոմեքենայի վարորդը քաղաքացիների ուժերով հոսպիտալացվել է Սիսիանի ԲԿ, որտեղ բժիշկները նրա առողջական վիճակը գնահատել են միջին ծանրության։

Փրկարարները «Lada Granta» մակնիշի ավտոմեքենայից դուրս են բերել վարորդին և մոտեցրել շտապօգնության ավտոմեքենային: Քաղաքացին հոսպիտալացվել է Սիսիանի ԲԿ, որտեղ բժիշկները նրա առողջական վիճակը գնահատել են ծանր։

Փրկարարները հոսանքազրկել են ավտոմեքենաները և փակել գազի բալոնների փականները: