ԼՈՒՍԱՆԿԱՐՆԵՐ. Ադրբեջանում զորավարժությունների ժամանակ արձակված հրթիռն ընկել է Գյանջայի տներից մեկի բակում
Ադրբեջանական «Ազատություն» թերթի գլխավոր խմբագիր Գանիմատ Զահիդովն իր ֆեյսբուքյան էջում գրել է, որ Ադրբեջանում անցկացված զորավարժությունների ժամանակ արձակված հրթիռն ընկել է երկրի՝ մեծությամբ երկրորդ քաղաք Գյանջայի (Գանձակ) տներից մեկի բակում:
«Հինգ օր առաջ (Ադրբեջանի պաշտպանության նախարար) Զաքիր Հասանովը լուրջ հաջողության է հասել: Զորավարժությունների ժամանակ արձակված հրթիռն ընկել է Գյանջայում...տներից մեկի բակում»,- գրել է Զահիդովը:
Երբ ադրբեջանցի օգտատերերը սկսել են առցանց տիրույթում հարձակում գործել նրա վրա, Զահիդովը, ով հետապնդումների պատճառով Ստրասբուրգում է ապրում, հրապարակել է նաև ասվածի ապացույցները՝ մի քանի լուսանկար:
