Վարչապետը դժգո՞հ է քաղաքապետի աշխատանքից. Հ. Մարությանի պատասխանը
«Քաղաքացիական պայմանագիր» կուսակցության 5-րդ համաժողովից հետո լրագրողները զրուցել են Երևանի քաղաքապետ Հայկ Մարությանի հետ ու հարցրել՝ արդյո՞ք ճիշտ են այն տեղեկությունները, որ վարչապետը դժգոհ է նրա աշխատանքից, քանի որ «տապալել է քաղաքի կառավարումը»:
«Բացարձակ, այդպիսի բան չկա: Տապալման մասին ծիծաղելի է խոսելը: Մենք բոլոր ուղղություններով մեծ նվաճումներ ունենք»,-ասաց Մարության:
Խոսելով տրանսպորտային համակարգի փոփոխությունների մասին՝ Մարությանն ասաց, որ մեծ քայլերով աշխատանքներ են տարվում:
«Մեծ ծրագիր է պատրաստվում, որն արդեն կառավարության հետ քննարկել ենք, բոլոր շահագրգիռ կողմերը պետք է ասեն իրենց կարծիքը: Դրանից հետո կսկսենք վարկային միջոցների փնտրում և իրագործում»,- ասաց Մարությանը:
