Անվճար բուժօգնություն մինչև 18 տարեկաններին․ Թորոսյան

Հայաստանի առողջապահական բյուջեն այս տարի ավելացել է 7 միլիարդ դրամով, իսկ մյուս տարի, միջինաժամկետ ծախսերի ծրագրի համաձայն, կավելանա ևս 16 միլիարդ դրամով։ Այս մասին լրագրողների հետ զրույցում ասաց առողջապահության նախարար Արսեն Թորոսյանը՝ ընդգծելով, որ սրանք աննախադեպ բարձրացումներ են։

Թորոսյանն ասաց, որ այս գումարներով ցանկանում են մի շարք փոփոխություններ իրականացնել հանրային առողջապահության համակարգում, մասնավորապես՝ երեխաների անվճար բուժօգնություն տրամադրել ոչ թե մինչև 7, այլ մինչև 18 տարեկաններին։ Դրանից բացի, ուզում են անվճար բուժօգնության իրավունքը տարածել նաև այն թոշակառուների վրա, որոնք հաշմանդամության խնդիրներ չունեն և այլն։