Սպանդարյան համայնքում վերընտրվել է գործող գյուղապետը
Շիրակի մարզի Սպանդարյան համայնքում ավարտվել է ձայների նախնական հաշվարկը։ Համայնքի ղեկավարի թեկնածու եւ գործող համայնքապետ Ավետիք Մխիթարյանը News.am-ին հայտնեց, որ ինքը ստացել է 384 քվե, իսկ մրցակիցը՝ Սայադ Ամլաստյանը, 234 քվե։
Նշենք, որ երկուսն էլ անկուսակցական են եւ ինքնառաջադրված։
Սակայն, «Հրապարակի» տեղեկություններով,Սայադ Ամլաստյանին սատարում էր ՔՊ-ն եւ չնայած, որ Ալմաստյանը ընդամենը 8-ամյա կրթություն ուներ, երկու տարի էլ նույն դասարանում էր մնացել, բայց իշխող թիմը գնահատել էր նրան՝ հաշվի առնելով, որ հեղափոխության օրերին հարեւան համայնքում փողոցներ է փակել։
