Երկրորդ անգամ ինձ վրա հարձակումից հետո մեղադրանքներ էի հնչեցրել ոստիկանության հասցեին,սակայն ոստիկանությունը գործեց պրոֆեսիոնալ. Վարդան Հարությունյան
ՀԱԿ ակտիվիստ Վարդան Հարությունյանը, որն օրեր առաջ ահազանգել էր բռնության ենթարկվելու մասին և դրա համար մեղադրել էր դաշնակցականներին, գրառում է կատարել ֆեյսբուքյան իր էջում՝ շնորհակալություն հայտնելով ոստիկանությանը:
Գրառումն ամբողջությամբ ներկայացնում ենք ստորև.
«Սիրելի ընկերներ, երկրորդ անգամ ինձ վրա հարձակումից հետո՝ մի փոքր տաքացած՝ մեղադրանքներ էի հնչեցրել նաև ՀՀ ոստիկանության հասցեին, սակայն գործի ընթացքը ցույց է տալիս, որ ոստիկանությունը արագ արձագանքեց իմ ահազանգին ու իր գործողությունները կատարեց պատշաճ ու պրոֆեսիոնալ։
Ուզում եմ շնորհակալությունս հայտնեմ ՀՀ ոստիկանությանն ու ոստիկանապետ Վալերի Օսիպյանին։
Առաջնորրդվենք՝ լավին լավ ասելու, իսկ վատը քննադատելու սկզբունքով»:
