Նախաձեռնությունը խափանվեց. Ադրբեջանի ոստիկանությունը արգելեց քայլերթ իրականացնել դեպի Արցախի հետ սահման
Ադրբեջանի ոստիկանությունը Ռամին Հաջիլիին և իր թիմակիցներին արգելել է իրականացնել քայլերթ դեպի Արցախի հետ սահման:
Ինչպես երեկ տեղեկացրել էիք, հղում անելով ՖԲ օգտատեր, թուրք քրդական հարցերով փորձագետ Կարեն Հովհաննիսյանին, հունիսի 5-ից Եվրոպական շարժման ղեկավար Ռամին Հաջիլին՝ մի խումբ համակիրների հետ մեկնարկել էր «Վերադարձ Ղարաբաղ» ակցիան և քայլերթով երեկ հասել Հորադիզ քաղաք: Այսօր, ժամը 16:00-ին նախատեսվում էր քայլերթով հասնել առաջնագիծ, անցնել սահմանը և ուղղություն վերցնել դեպի Շուշի: Դեռևս քայլերթը չմեկնարկած, ադրբեջանական ոստիականական ուժերը մոտեցել են ակցիան իրականացնողներին, ովքեր սկսել են ուղիղ եթերով հեռարձակել ոստիկաների մուտքը: Մի քանի րոպե հետո ուղիղ հեռահարձակումը ընդհատվել է, ինչպես նաև անհասանելի են դարձել ակցիայի մասնակիցների հեռախոսահամարները: Ենթադրվում է, որ նրանք հրավիրվել են բաժին ադրբեջանական ոստիկանության կողմից:
