Ոստիկանների աշխատավարձը աճել է միջինը 25 տոկոսի չափով. Օսիպյան

Այսօր ԱԺ-ում ոստիկանապետ Վալերի Օսիպյանը անդրադարձավ ոստիկանության ծառայողների աշխատանքի վարձատրության բնագավառում նոր՝ ամսական պարգևատրումների համակարգի ներդրմանը, ինչի արդյունքում, ըստ նրա, ոստիկանության յուրաքանչյուր աշխատակցի ամսական դրամական բավարարումն աճել է միջինը 25%-ի չափով։ «Նկատվում է կադրերի արտահոսքի կրճատման հստակ միտում»,-ասաց նա։ Ոստիկանապետը խոսեց նաև ոստիկանության հանդուրժողականությունից.«Որևէ մեկը Հայաստանում չկա՝ կլինի իշխող քաղաքական ուժ, թե անձ, որ վեր դասի իրեն օրենքից։ Մեզ համար միևնույն է ով լինելու հանգամանքը, մենք բոլորի ոստիկաններն ենք՝ անկախ կուսակցական պատկանելիությունից։ Դրանում ՀՀ քաղաքացիները համոզվել են»: