Զելենսկին կբռնագանձի անօրինական հարստացած պաշտոնյաների ունեցվածքը

Ուկրաինայի նախագահ Վլադիմիր Զելենսկին Գերագույն Ռադային է ներկայացրել ֆիզիկական անձանց կոռումպացված ակտիվների քաղաքացիական բռնագրավման և ապօրինի հարստացման քրեական պատասխանատվության ենթարկելու մասին օրենքի նախագիծը: Ինչպես տեղեկանում ենք Ուկրաինայի նախագահի պաշտոնական կայքից՝ նախագիծը ներկայացնում է պաշտոնատար անձանց ապօրինի ակտիվների բռնագրավման նոր մեխանիզմ`առանց մեղադրական դատավճռի, քաղաքացիական կարգով, ինչպես նաև վերականգնում է ապօրինի հարստացման համար պաշտոնյաների պատիժը: Այսպիսով, չի սահմանվում ազատազրկում, սակայն ավելի քան 900,000 ուկրաինական գրիվնայից ավելի չհիմնավորված ակտիվների հայտնաբերման դեպքում պատասխանատվությունից չի կարողանա խուսափել անգամ այն պաշտոնյան, որն այժմ չի աշխատում, բայց նախկինում անօրինական կերպով հարստացել է: Բոլոր այդ միջոցները գանձվելու և օրինական կարգով ուղղվելու են Ուկրաինայի պետական բյուջե: