Մի խումբ գործարարներ ԱԺ-ի մոտ են. բողոքի ակցիա
Այսօր` հունիսի 3-ին, Ազգային ժողովի դիմաց բողոքի ակցիա են իրականացնում մի խումբ գործարարներ և բիզնեսի ներկայացուցիչներ: Ակցիայի սկզբում նրանք մտադիր էին փակել Բաղրամյան պողոտան, սակայն զրուցելով ԱԺ աշխատակիցների հետ՝ խոստացան չփակել այն:
Ակցիա իրականացնողները դեմ են կառավարության ներկայացրած «Պետական տուրքի մասին» ՀՀ օրենքում լրացում կատարելու» նախագծին:
Նշենք, որ առաջարկվում է ցեմենտի ներկրման դեպքում սահմանել 14 հազար դրամ պետտուրք՝ 22 հազարի փոխարեն, ներկրվող կլինկերի նկատմամբ պետտուրք չի սահմանվում:
Հիշեցնենք ` Ազգային ժողովը շարունակում է հերթական նիստի աշխատանքները։ Քվեարկության կդրվի շաբաթվա վերջում քննարկված նախագծերը։ Այնուհետև ԱԺ-ն կշարունակի քննարկել օրակարգում մնացած հարցերը։ ԱԺ օրակարգի հարցերից է «Հայաստանի Հանրապետության կենտրոնական բանկի գործունեության վերաբերյալ տարեկան հաղորդումը (Գնաճի հաղորդում)»։
Տարեկան հաղորդումից հետո քննարկման կդրվի ««Ապահովագրության և ապահովագրական գործունեության մասին» Հայաստանի Հանրապետության օրենքում լրացումներ կատարելու մասին», Հայաստանի Հանրապետության աշխատանքային օրենսգրքում լրացում կատարելու մասին», «Երևան քաղաքում տեղական ինքնակառավարման մասին» Հայաստանի Հանրապետության օրենքում փոփոխություններ կատարելու մասին «Երևան քաղաքում տեղական ինքնակառավարման մասին» Հայաստանի Հանրապետության օրենքում փոփոխություններ կատարելու մասին», Հայաստանի Հանրապետության ջրային օրենսգրքում լրացում և փոփոխություններ կատարելու մասին» և այլ օրենքի նախագծեր։
