Ապագա պատգամավորները «փսիխոյի անալիզ» հանձնեն. առաջարկ պատգամավորից
Ազգային ժողովի «Իմ քայլը» խմբակցության պատգամավոր Քրիստինե Պողոսյանը ողոսյանը պատրաստվում է ներկայացնել օրենսդրական մի այնպիսի փոփոխություն, որի հիման վրա պատգամավոր դառնալ ցանկացողներն անպայման հոգեբանական թեստ անցնեն կամ, ինչպես ընդունված է ասել, «փսիխոյի անալիզ» կհանձնեն:
«Մենք մանդատ ենք ստացել, որ գանք այստեղ փոփոխություններ կատարենք, թեկուզ՝ հեղափոխական: Եվ իմ այս նախաձեռնությունը կարող է լինել այդ փոփոխություններից մեկը», - այսօր լրագրողների հետ ճեպազրույցում ասաց Պողոսյանը:
Նա նաև անկեղծացավ՝ նշելով, որ իր կողքին՝ խորհրդարանում, պատգամավորների վարքի մեջ նկատել է խնդիրներ և այդ պատճառով էլ նման նախագիծ է ներկայացրել:
