ՌԴ անասնաբուժական և բուսասանիտարական վերահսկողության հարցերով զբաղվող «Ռոսսելխոզնադզոր» դաշնային ծառայության աշխատակիցները Խիմկիում «Մոսկվա-Կարգո» անցակետում Հայաստանից ներկրված թարմ չիլի պղպեղի խմբաքանակի զննման ժամանակ Ռուսաստանում կարանտինային համարվող վնասատու՝ կալիֆոռնիական ծաղկային թրիպս են հայտնաբերել (Frankliniell aoccidentalis Perg.): Ինչպես հայտնում է vmo24.ru կայքը, կառույցի մամուլի ծառայությունից հայտնել են, որ կարանտինային օբյեկտը հայտնաբերվել է լաբորատոր փորձաքննության ժամանակ: Նշվում է, որ վարակված խմբաքանակի վերաբերյալ ՌԴ բուսասանիտարական օրենսդրությանը համապատասխան քայլեր են ձեռնարկվելու: Կալիֆոռնիական ծաղկային թրիպսը չափազանց վտանգավոր է և հանդիպում է բույսերի 250 տեսակներում: