Վաղը շինարար ցուցարարներին կընդունեն կառավարությունում. Shantnews am
Ինչպես արդեն հայտնել ենք, այս պահին շինարարական ընկերությունները փակել են Հյուսիս-հարավ ավտոճանապարհի Աշտարակ-Ուջան ճանապարհահատվածը: Կատարված աշխատանքի դիմաց նրանց սեպտեմբերից գումար չի վճարվել։
Ճանապարհը փակել են շուրջ 19 ընկերության աշխատակիցներ:
SHANTNEWS. am-ի թղթակիցը դեպքի վայրից փոխանցում է, որ իրավիճակը շարունակում է լարված մնալ, ցուցարարների և վարորդների մեջ բախումներ են ընթանում:
Այս պահին հայտնի դարձավ, որ ակցիայի մասնակիցների հետ վաղը` առավոտյան ժամը 10-ին, կհանդիպեն ՀՀ վարչապետ Տիգրան Ավինյանի գրասենյակի ղեկավար Վարագ Սիսեռյանը և ՏԿՏՏ տեղակալը:
Ակցիայի մասնակիցներից կլինի 10 ներկայացուցիչ:
Այս պահին ճանապարհն արդեն բացվել է:
