Քիչ առաջ տեղեկություն հայտնվեց, որ «Կորսիան Կորվիամ» ընկերության աշխատակիցները որոշել են փակել Հյուսիս Հարավ ավտոճանապարհը: Ակցիայի մասնակիցները AuroraNews am- ի հետ զրույցում ասացին, որ իսպանական կազմակերպությունը մեղքը գցում է կառավարության վրա, կառավարությունն էլ ընկերության: Արդյուքնում Աշտարակ-Թալին 47-րդ կիլոմետր ճանապարհի շինարարներն անցած տարվա օգոստոսից մինչև նոյեմբեր նախատեսված գումարները չեն ստացել, որը կազմում է 2 միլիարդ 2 միլիոն դրամ: Իսպանական «Կորսիան Կորվիամ» ընկերությունը կապալառու ընկերություն է, որի կազմում կան19 ենթակապալառու կազմակերպություններ, որոնք չեն ստացել գումարները: Աշխատակիցները նամակներով դիմել են ՀՀ վարչապետ Նիկոլ Փաշինյանին և փոխվարչապետ Տիգրան Ավինյանին: Ներկա պահին նրանք որոշել են շարժվել դեպի Ուջան, որտեղից էլ կփակեն ճանապարհը: