Ռուսաստանում չինացի զբոսաշրջիկների մեքենա է շրջվել. զոհեր կան

Ռուսաստանի Դաշնության Պրիմորիեի երկրամասում չինացի զբոսաշրջիկներ տեղափոխող ավտոբուս է շրջվել: Այս մասին հայտնում է РИА Новости-ն: Ավտովթարի հետևանքով 2 մարդ զոհվել է, ևս 19-ը վնասվածքներ ու կոտրվածքներ են ստացել: Դեպքի վայր են ժամանել ոստիկաններ, փրկարարներ և շտապօգնության աշխատակիցներ: Բոլոր տուժածները հոսպիտալացվել են: Նրանցից 6-ի վիճակը ծանր է գնահատվում: Ավտոբուսում 48 մարդ է եղել: Վթարի պատճառը վարորդի ինքնազգացողության կտրուկ վատթարացումն է: